ღონისძიების ფარგლებში დელეგატებისა და მოწვეული სტუმრებისთვის ორგანიზებული იქნება უფასო სატრანსპორტო მომსახურება, რაც მოიცავს აეროპორტის ორივე გზის ტრანსფერს, ტრანსპორტირებას სასტუმროდან ღონისძიების ჩატარების ლოკაციაზე და ტრანსპორტირებას ტურების ფარგლებში.
World Travel Awards-ის სტუმრებისთვის ბათუმის, ქუთაისისა და თბილისის აეროპორტებში სპეციალური საპასპორტო კონრტოლის/საზღვრის კვეთის სივრცე ეწყობა, სადაც მსოფლიო ტურიზმის დაჯილდოების მონაწილეები ურიგოდ შეძლებენ საპასპორტო კონტროლის გავლას.
აეროპორტის ტრანსფერების უზრუნველყოფა მოხდება ინდივიდუალურად ან ჯგუფურად. აღნიშნული დამოკიდებულია მგზავრთა რაოდენობასა და ჩამოფრენის დროებზე.
აეროპორტების ტრანსფერების ორგანიზება მოხდება თქვენი ფრენის ბილეთების შესაბამისად, ქ. ბათუმიდან, ქ. ქუთაისიდან, ქ. თბილისიდან.
სატრანსპორტო მომსახურების დასაჯავშნად აუცილებელია ვებგვერდიდან გააკეთოთ ტრანსპორტზე ჯავშანი და მიუთითოთ რეისთან დაკავშირებული დეტალები შესაბამის ველებში. ჯავშნის გაგზავნისთანავე დაგიკავშირდებათ ჩვენი წარმომადგენელი.
სატრანსპორტო მომსახურებაზე ჯავშანი უნდა გააკეთოთ 20 სექტემბრამდე.
ბათუმში ჩამოსვლა შესაძლებელია საჰაერო გზით ბათუმის, ქუთაისის ან თბილისის საერთაშორისო აეროპორტების გამოყენებით.
გთხოვთ, დაჯავშნოთ აეროპორტის ტრანსფერები 20 სექტემბრამდე.
ჯავშნის შევსებისთანავე ჩვენი წარმომადგენელი დეტალებთან დაკავშირებით დაგიკავშირდებათ.